Rajinikanth Sri Lanka semdangtsü sentong athi

Chennai, March 25 (Agencies): Tamil nunger lokti balalai longkak aitba sülen nüngtugu film actor Rajinikanth, Sri Lanka semdangtsü aliba sentong athi. Parnoki ashiba agi, iba sentong ya Sri Lanka nung Tamil nunger parnoki yaridar ta sayutsü asoshi inyakba mapa ka lir.
“Yimten lenirtem ajaki iba sentong athitsü asoshi kü dang asüngdanga liasü. Parnoki nokdakba ni memolunger, saka ni Lanka mesemdangtsü asoshi lemtetogo,’ ta Rajinikanth-i Honibarnü ashi.
Rajinikanth April 9 nü crore 22 indang housing project ka lapoktsü asoshi aotsüba liasü. Sri Lanka north len küm 26 tashi civil war aliba koba 2009 küm tembang, Iba tesemtem nung Gnanam Foundation-i achaayanga iba housing project inyaker.
India, Tamil telok aikati Sri Lanka nunger den tesendaktep ayuba magizüker, kechiyong civil war tatembanglen sorkar aser army-i Tamil nunger dak kanga mejungi benshiba asoshi parnok aitsüa lir.
Gnanam Foundation ya Lyca Productions-i tenzük koba ajanga Rajinikanth indang taruba 2.0 film sen agi teyari agütsür. Iba film Diwali mapang sayatsü asoshi renema lir.
MDMK chief Vaiko aser Viduthalai Chiruthaigal Katchi ngutetsang Thol Thirumalavan den ajurutepba sülen pai iba sentong athi, ta Rajinikanth-i ashi.c