Rajinikanth’er jala Aishwarya-i March 8 nü UN nung Bharatnatyam tsüngsang agi shilem agitsü

Chennai, March 4 (Agencies) : Classical tsüngsanger aser United Nations Goodwill Ambassador, Aishwarya R Dhanush-i International Women’s Day amungnü UN nung Bharatanatyam tsüngsang ajanga shilem agitsü.
Aishwarya-i film-a yanglur aser lai, New York nung aliba UN headquarters nung March 8, 2017 nü gondha ka tsüngsangtsü, ta ashi.
Lai ashiba agi, iba sentong ji UN atema ‘India’s Permanent Mission’-i ayongtsü aser America Tamil Sangam-i senotsü agi yaritsü. Tamil Sangam ya New York nung aliba Tamli nunger telongjem tentet lir.
UK atema India’s Permanent Representative Syed Akbarudeen-i iba ama sentong tajung akatsü apitetba asoshi Aishwarya pa den pelaba lemsatepogo.
“Iba sentong ajanga ni tanaben kanga bendanga agüja tsüngsangtsü maongka bener arutsüogo,” ta Aishwarya-i osangbenertem dang ashi.
Lai, ibai kübo ‘Superstar’ Rajinikanth aser kü kinungbo, Dhanush na dena ozü kibong asoshi kanga nema tangtetba mapang ka lir. Ajisüaka tena shingaia ni shilem agiba mapang US tashi meina marutsü, kechiba süra parnok ajak pei mapa nung kanga mazüngi lir, ta ashi.
Aishwarya-i, asür MS Subbulakshmi-i küm aika tejakdang UN nung atenba Maithrim Bhajathey” ken den ano tanga ken kar nung tsüngsangtsü, ta ashi.