Rajiv Mehrishi home secretary shimogo

New Delhi, August 31 (Agencies): Tanü senior IAS ketdangser Rajiv Mehrishi Union home secretary shimogo. LC Goyal-i iba menden ita tenet tashi abenba sülen pai anisüngzüktsü atema sodi meshia liasü.

1978-batch Rajasthan nungi IAS officer, Mehrishi shimbaji Ato kilonser Narendra Modi-i agizükogo, aser tanü nungi tenzüka küm ana pai iba mapa abentsü, ta tanü sorkar sangdong ka ajanga ashi.

Mehrishi ya Finance Ministry, department of economic affairs nung secretary inyaka liasü aser iba menden nung pa mapangtongji tanü tembanger.

Home secretary menden atema February 5 nü Modi’er sorkari Goyal shima liasü.