Rajiv Pratap Rudy-i Dimapur nung International Yoga Day amung

June 21, 2017 nü North East Agri Expo Hall, Dimapur nung Union Minister for Skill Development & Entrepreneurship, Rajiv Pratap Rudy-i International Day of Yoga nung shilem agiba noksa nung angur.

Dimapur, June 21 (TYO): Union Minister of State (I/C) for Skill Development & Entrepreneurship, Rajiv Pratap Rudy-i Bodbarnü Dimapur nung International Yoga Day sentong nung shilem agi.
Prime Minister Modi-i akhi sobaliba aser temang anema alitsü atema ‘Yog’ yimya benshitsü ayongzükba indang tanüa Rudy-ia nenshia metetdaktsü.
Dimapur nung North East Agri Expo Hall, 4th mile nung yoga session ji ayongzüka agi. Iba sentongji The Art of Living telok den Beauty and Wellness Sector Skill Council ajanga ketdangsüa agi aser Central Ministry, State Govt aser District Administration nungi ketdangsertemia shilem agi.
Rudy-i ghonda ka jungnüa lanur 1000 shi den Yoga aiba sülen, “Yoga ya temang, tekolok aser tanüla meyoktepba inyakyim ka lir aser iba ya India nung akhidang tenzük” ta ashi.
Tanü asenok aliba alima nung asenok temang aser tekolok anema ayutsüla aser asenok anisüngzüktsü aser tekolok süngjemdaktsütsü atema Yoga ya exercise tajung ka lir, ta paisa ashi.
Pai tuyuba ama tanü linük tesem balala nung Skill India kübok centre 100 ajanga Yoga sentongtem ayongzüka agir, ta Rudy-isa shisem.
Ministry of Skill Development and Entrepreneurship-i Yoga aser iba ajanga tajangzük agütsüba atema mapa ka tenzükogo. Iba skill angazükba ajanga nisung ka tashi aitba dang masü saka tangar danga sayutettsü, ta paisa metetdaktsü.