Rajkumar Hirani mozü kidang nungi anizükogo

Mumbai, August 12 (Agencies) : Bollywood film yanglur Rajkumar Hirani motorbike ka nungi tsüker mozü kidnag anepaluba sülen anizükogo.

Mongulbarnü pa lendong ajuruba sülen Lilavati Hospital, Bandra Intensive Care Unit (ICU) nung anepalu.

Iba tatalokba nung Hirani indang teküm raksa aser iba jagi doctor temi operation agia anepalu. Pa tajungba kümogo aser yashi nikongtsütsü mozü kidang nungi ogo, ta Lilavati Hospital nung Dr Jalil Parkar-i osangbenertem ashi.

Osang angazükba agi, Hirani’er mapa inyaker ka motorcycle tasen ka ali aser pai Hirani dang anidangang ta ashi.

Idangji Hirani-i hai ta shir motorcycle ji tanemi anir ao saka pai bike ji mazüoktet kümer alang.

Hirani ya director, screenwriter aser film editor ka lir aser pai yangluba film tajungtem rongnung “Munna Bhai MBBS” (2003), “Lage Raho Munnabhai” (2006), “3 Idiots” (2009) aser “PK” (2014) nungertem dena lir.