Rajnath-i arrtsü nüka alitsü atema BOLD-QIT lapoktsütsü

New Delhi, Metsüremi/March 4 (Agencies): Bangladesh nungi tzüyim adena ozüng alema arurtem aser maparen balala nokdangtsü atema centre-i Mongolbarnü technological solution ka amenoktsü.
Union home minister Rajnath Singh-i, Indo-Bangla arrtsü Dhubri sector nung BOLD-QIT (Border Electronically Dominated QRT Interception Technique) project lapoktsütsü.
“Iba project amenokba ajanga arrtsü nung ozüng alema inyakba maparen balala nokdangtsü atema BSF nem teyari agütsüba dang masü saka iba ajanga nisung senzüsenpongba teti meita litettsü,” ta home minister nungi ketdangser kati ashi.
Taoba küm September ita home minister Rajnath Singh-i, India-Pakistan international arrtsü len km 5 talang smart fencing pilot projects ana lapoktsüogo.
Bangladesh den international arrtsü km 4,096 kümzüka ayutsü atema Border Security Force nem nonglokja lir.
“Tesem kar nungbo arrtsü tongshi azüngtsü tamakoktsü lir. Dhubri tesem nung arrtsülen Brahmaputra ayong Bangladesh-i yimoka aiba tesem nung ayongnu aika den asetkong tilala aika lir aser iba ajanga tzüngluruwa talisa iba tesem nüka alitsü kanga tasak akümer,” ta ketdangserisa ashi.
BOLD-QIT ya Comprehensive Integrated Border Management System (CIBMS) kübok technical systems amenoktsü atema project ka lir aser iba ajanga Brahmaputra ayong aser ayongnütem kong atsü atsüa mali, item tesemtem nung sensors tapu balaka ajanga arrtsü mekazüka yutettsü.
“Tangbo Brahmaputra ayong ajunga Microwave communication, OFC Cables, DMR Communication, day and night surveillance Cameras aser intrusion detection system ajanga adokdaktsüba data network ka ajanga amokbanga lir,” ta ketdangseri ashi.
Iba gadget tem ajanga arrtsü nung BSF Control Rooms nem osang agütsür aser parnoki takaratiba nung ozüng alema senzüsenpongertem putetsü.
Arrtsü nüka alitsü tebielmtsü agintsü atema ministry of home affairs-i 2017 küm tongtibang tesemtem nung BSF pur den technological solution ka benoktsü atema telemtetba agia liasü.
2018 January ita BSF Information and Technology Wing puri BOLD-QIT (Border Electronically Dominated QRT Interception Technique) project inyak tenzük aser atakzüka aliba mapang tashi ka nung teyari balala ajanga tembanga inyakogo.