Rajnath-i India-Bangladesh arrtsülen semdangtsü

 

New Delhi, August 11 (Agencies): Kobi melii Union Home minister Rajnath Singh-i India-Bangladesh arrtsü semdanga kidanger linük nungi temzüng alema linük telungi aitba tensa reprangdangtsü.

“Kobi melii, mesüra tan ita ni Indo-Bangladesh arrtsü semdangtsü. Ni arrtsülen tensaji reprangdangner, kechiyong emzüng alema bendanger linük telungi aitba nokdangtsüji onok asoshi tongtibang onük lir,” ta All Assam Students Union-i ayongzükba shisadokten sentong ka nung jembidang Singh-i ashi.

Union minister-isa, temzüng alema linük telungi bendanger aitba ya süoki ia agitsü onük ka lir, asnungji NDA sorkari Indo-Bangladesh arrtsü khenyongi shibangner, ta ashi.

“Temzüng alema aitba nokdangtsü asoshi onoki akokba tashi mera ajak agitsü,” ta paisa ashi.

August 15, 1985 nü AASU aser Cetre sorkar nati temzüng alema aiter Bangladesh nunger par linüki yoka liasü, iba sülen küm 30 ajungtsü anogo asem lia tanü ’30 years of Assam Accord: issues, challenges and implementation’ shisatokten sentong kaogo.

Temzüng alema Assam-i aita alirtemji state nungi mintoktsü asoshi AASU-i akhangbaji tim dang, saka chichiba India nunger nembo timtem magütsütsüla, ta home minister-i ashi.

“Shirnoksa India nunger lir, parnokjibo India nungsa alitsü,” ta pai ashi.