Rajnath-i Pakistan aser China arrtsülen forward area semdangtsü

New Delhi, September 13 (Agencies): Taruba hopta Union Home minister Rajnath Singh-i yaküm China aser India mitkartem tsüngda rara adoktsüsa tensa ajuruba tesem, Ladakh nung Chumar densema Pakistan aser China arrtsülen forward area tem semdangtsü, ta sorkar osang ka ajanga ashi.
Jammu & Kashmir nung Mongolbar nungi tenzüka anogo asemnü Rajnath-i semdangba mapang pai Samba nung aliba Indo-Tibetan Border Police (ITBP) nung officers’ mess tasen ka lapoktsütsü aser iba sector nung post tema semdangtsü.
Iba sülen Singh-i Ladakh anüdoklen Chumar nung aliba border post tem semdangtsü. Yaküm iba tesem nung ya India aser China mitkartem tejak chitepa ajurua tera agi rara madok.
Iba sülen Singh-i Thakung aser Chushul na nung Hot Spring aser ITBP post tem semdangtsü.
Home minister-isa China-India arrtsülen semdangtsü aser arrtsü anüker sepai, ITBP sepaitem ajurua jembitsü.
Paisa iba tesem nung aliba ketdangsertem aser Border Roads Organisation den forward area dak sentakba onük nung o lemteptsü.