Rajnath-i Rahul jilu ajizüka yimozülurtem den ajurutep

Guwahati, January 4 (Agencies) : Union home minister Rajnath Singh-i Karimganj sector nung India-Bangladesh jara yangluba reprangdangba sülen Guwahati nung shisashirtem aser media house kiburtem den ajurutepa senden ka agi.
Ita ka tejaklen, Congress vice-president Rahul Gandhi-ia kasa senden ka agia liasü. Iba mapang Rahul-i Assam nung shisashirtem aser yimozülurtem den ajurutep.
Yashi home minister Rajnath-i shisashirtem den sensaksemdang Assam dak sendakba onük aika benoka liasü, ta BJP state vice-president Santanu Bharali-i osangbener dang ashi.
Rajnath-isa Congress nungi teshimtet züngsem 5-i akümba telok ka den ajurutepa senden ka agi.
Taoba Hombarnü BJP züngsemtemi Guwahati nung Congress headquarters raksatsüba onük atema Congress teloki home minister den ajurutep.
Congress teshimtet telokji PCC president Anjan Dutta lenisüba kübok liasü aser pai ashiba agi, “BJP züngsemtemi Rajiv Bhawan amakba indang osang ashidang home minister kanga aoksa. Nisung shingaia pa dang iba osang mashi ta pai langzü.”
Tarutsü nung ibala tatalokba mataloktsü atema mapa inyakang ta onoki pa dang ayongzükogo, ta Dutta-isa shisem.

You must be logged in to post a comment Login