Rajnath Singh-i NDRF nem tenüngsang agütsü

New Delhi, July 26 (Agencies): India-i dang masü Nepal aser Japan linüktemia NDRF (National Disaster Response Force)-i mapa tajung inyakba asoshi tenüngsang agütsür ta Union Home Minister Rajnath Singh-i ashi.
NDRF indang review meeting nung o jembidang, “NDRF-i senden nung benokba onüktem agizüker aser itemji mapa küma inyaktsü atema inyaktsü” ta Rajnath-i ashi.
Paisa state aser Union Territory 12 nung State Disaster Response Force (SDRF) metentetba atema sasa bilemba metetdaktsü aser parnok dang tekaratiba nung SDRF tentettsü atema tetuyuba agütsü.
Senden nung NDRF DG Sanjay Kumar-i NDRF ajanga mapa inyaka aruba osang metetdaktsü aser tang tashi nung NDRF-i 53.65 lakh volunteers nem community awareness programme agiogo, ta shisem.
Paisa search & rescue maparen inyakdang special equipments amshiba aser NDRF-i tesem balala nung infrastructure yangluba indang osang lemsatep.
Union Home Secretary Rajiv Mehrishi-ia senden nung NDRF nem tenüngsang agütsü aser parnoki search & rescue maparen inyakba dak alia mock drill, community training & school safety programme tem agiba atema pelaba metetdaktsü.