Rajnath Singh-i tetsürtem Sainik School nung azüngtsü atema temelaba agütsüogo

Kohima, Mongputeni/October 18, 2019 (TYO): Academic session 2021-22 nungi tenzüka tarensen kati Sainik school nung tetsür tanurtem atema admission agütsütsü mapatong ka Raksha Mantri, Rajnath Singh-i agizüka liasü, ta PRO sangdong ka ajanga metetdaktsü.
Tesüiba küm 2 tejakdang Sainik School Chhingchhip, Mizoram nung tetsür tanurtem admission atema Ministry of Defence-i pilot project takok ngua tenzükba ajanga iba telemtetba agia liasü.
Iba tetuyuba takok ngua amenoktsü mechi Sainik School nung nüngdakba kisüjensü aser tetsür staff tem peria ayutsü asoshi Rajnath-i tim ketdangsertem nem tetuyuba agütsüogo, ta osang ajanga metetdaktsü.
Armed Force nung tebendang kecha melie tetsürtem nem shilem agidaktsütsü aser tongtibangsa Ato Kilonser Modi-i tenzüktsüba ‘Beti Bachao Beti Padhao’ mapatong akangshidaktsütsü nükjidong nung iba telemtetba agia liasü, ta kasa sangdong ajanga metetdaktsüogo.