Rajput lenirtem dang ‘Padmavati’ film mesayu tashi mesayatsü

New Delhi, March 4 (Agencies): Sanjay Leela Bhansali’s (SLB) indang film, ‘Padmavati’ mesaya tsüngda tenokdangba aika ajurudar. Tawa film yangludang Jaipur kübok ‘Jaigarh Fort’ nung Karni Sena züngsemtemi film yangluba tesem nung osettem raksatsüba, aser film yanglur merenshiba sülen tang ano ken o tasen ka adokogo.
‘Padmavati’ film Rajput lokti lenirtemi anemer, anungji parnok dang iba film mesayu tashi sayatsü memelatsü, ta Rajasthan minister kati ashiba osang ka ajanga metetdaktsü.
“Onoki iba film lokti nung lenirtem dang mesayu tashibo Rajastan nung mesayadaktsütsü,” ta Energy Minister Pushpendra Singh-i, Savarna Adhikar Aarakshan-i ayonga akaba longka aitba sentong nung o jembidang ashi.
Minister-i maneni Rajput lokti dang iba film state nung mesayadaktsütsü ta tenangzükba agütsü.
Iba longkak aitba sentong nung tongtibang takhangbatemji; ‘Padmavati’ film khenyongi mesayadaktsütsü, upper castes rongnung sensaker, koba nung Rajput tema densema, upper casts purtem atema board ka kümtettsüba, Rajput nung lenir Chatur Singh Sodha, Jaisalmer nung tepsetba ken o CBI-i bushisüngdangtsü asoshi takhangbatem liasü. Iba sentong Shree Rastriya Rajput Karni Sena nung tir Sukhdev Singh-i anir agi.