Rajya Sabha election atema party temi candidates sangdongogo

New Delhi, Metsüremi 12 (Agencies): India Union kübok state 9 nung Rajya Sabha election atema BJP, Congress Party, RJD, TRS aser JD-U party temi candidates tenüng sangdongogo.
Metsüremi (March) 23, 2018 nü Rajya Sabha menden 58 atema state 9 nung election agitsü atema Election Commission-i tamalen sangdonga liasü.
Candidate temi tenüng agutsütsü atema tatembangbuba anogoji tanü (Metsüremi 12) liasü aser tenüng agientsü atema tatembangbuba anogoji Metsüremi 15, 2018 anogo lir.
Congress-i state tenet nung toktepdaktsütsü atema candidates 10 sangdongogo, aser parnok rongnung Abhishek Manu Singhvi (West Bengal) aser senior journalist Kumar Ketkar (Maharashtra) na densema lir.
Congress-isa Gujarat nungi toktepdaktsütsü atema taoba Union Minister, Naranbhai Rathwa, aser lawyer Amee Yajnik na shima lir.
Congress-i sangdongba candidates rongnung taoba mapang Rajya Sabha züngsem, Dhiraj Prasad Sahu (Jharkhand), Karnataka nungi L. Hanumanthaiah aser Vokkalinga lenir, G.C. Chandrasekhar na shima lir. Taoba mapang Minister aser Congress lenir, Rajmani Patel-i Madhya Pradesh nungi tokteptsü, Ketkar-i Maharashtra nungi aser Porika Balram Naik-i Telangana nungi tokteptsü.
BJP-ia Rajya Sabha election atema tenüng 18 sangdongogo, aser parnok rongnung taoba mapang Maharashtra Chief Minister Narayan Rane densema lir.
BJP candidates rongnungsa Entrepreneur Rajeev Chandrasekhar, BJP general secretary ana- Anil Jain aser Saroj Pandey, aser otongdar ana- Anil Baluni aser G V L Narasimha Rao na densema lir.
Saroj Pandey-i Chhattisgarh nungi tokteptsü, party Media Cell Convenor, Anil Baluni-i Uttarakhand nungi aser Lt General DP Vats (retd)-i Haryana nungi tokteptsü.
Congress aser BJP dak alia Telugu Desam Party (TDP), Telangana Rashtra Samithi (TRS), Rashtriya Janta Dal (RJD) aser Janata Dal (United) party temia candidate atem tenüng sangdongogo.
Rajya Sabha nung züngsem 58 kümsükji April-May 2018 nung tembanger.