Dimapur, March 03 (TYO): Nagaland nungi Rajya Sabha nung amentsü asoshi tatar ka shimtsü atema election March 21 nü alitsü sentong sangdongogo.
Election department ajanga sangdongba osang nung ashiba agi, iba election atema Notifications March 4 nü agütsütsü aser iba election nung toktepner tenüng agütsüba tesüsatiba anogoji March 11 alitsü. Iba sülen March 12 nü nomination kakettemji reprangdangtsü aser pei tenüng meyipa agienertem atema tesüsaba anogoji March 14 alitsü.
March 21 anepdang 9:00 ako nungi nikongdang 4:00 ako tashi vote agütsüba mapang alitsü aser kasa nikongdang 5:00 ako nung vote azüngtsü. Iba election maparen ajak March 23, 2016 nü tembangtsü.
You must be logged in to post a comment Login