Rajya Sabha menden 57 atema June 11 nü election agitsü

New Delhi, May 12 (Agencies): Rajya Sabha menden 57 atema June 11 nü Biennial elections agitsü, item menden tazüng rongnung Vijay Mallya indang menden densema lir, ta tanü Election Commission (EC)-i ashi.
June aser August ita tashi nung state 15 nungi Rajya Sabha züngsem 55 pei kümsük abensaba ajanga iba election agitsüsa akumer. Iba den külemi Rajasthan aser Karnataka na nungi Anand Sharma (Congress) aser Vijay Mallya (Independent) na menden atemaa election agitsü.
Item menden 57 nungi menden timbaka BJP (menden 14) aser Congress (menden 14) na nungi lir. Menden 6 BSP nungi, menden 5 JD(U) nungi aser SP, BJD aser AIADMK shia nungi menden asemsem lir.
Maneni DMK, NCP aser TDP shia nungia menden anana, menden ka Shiv Sena nungi aser Independent MP Mallya menden lir.
Rajya Sabha züngsem nungi anentsüpur tongtibang nisungtem rongnung- Union minister tem- M Venkaiah Naidu, Birender Singh, Suresh Prabhu, Nirmala Sitharaman, Piyush Goyal aser Mukhtar Abbas Naqvi, taoba minister Jairam Ramesh, JD (U) lenir Sharad Yadav aser senior lawyer, Ram Jethmalani nunger densema lir. Züngsem timtibaji Uttar Pradesh nungi 11 anener, Tamil Nadu aser Maharashtra nungi züngsem trokrok. Bihar nung menden pongu, Andhra Pradesh aser Karnataka na nungi menden pezüzü, Madhya Pradesh aser Odisha na nungi menden asemsem, Haryana, Jharkhand, Punjab, Chhattisgarh aser Telangana shia nungi menden anana aser Uttarakhand nung menden ka atema election agitsü, ta EC-i ashi.
Iba election atema temetetdaktsübatemji May 24 nü sangdongtsü, ta Election Commission-isa metetdaktsü.