Rajya Sabha züngsem Haji Abdul Salam alima nungi pilaogo

Imphal, March 01 (Agencies): Congress lenir aser Rajya Sabha nung züngsem, Haji Abdul Salam, mapang tatsüka shiranger yasüng süogo, ta asür kinungertemi metetdaktsü.
Haji Abdul ya arishi küm 69 liasü. Haji Abdul Salam ya Manipur nungi mezüng Muslim nunger Rajya Sabha nung züngsem liasü.
Pa ya 2014 küm nungi state tenüng nung Rajya Sabha züngsem inyaka liasü, ta Congress ketdangsertemia metetdaktsü.
Haji Abdul ya Thoubal district kübok Heibong Makhong nung aso aser pai kinungtsü, jabaso ka aser jala pongu toktsür asü.