Rajya Sabha züngsem Kalpataru Das süogo

Bhubaneswar, July 25 (Agencies): Rajya Sabha züngsem aser Biju Janata Dal nung Tatong Tir Kalpataru Das Honibar nü, arishi küm 67 nung süogo, ta par kinüngertemi metetdaktsü.
Das ya mapang tatsüka shirangar kanga mejungi akümba agi All India Institute of Medical Sciences (AIIMS) nung aliba Dr. B.R.A Institute Rotary Cancer Hospital-i anir oa yaritsü tenzük, ta kinüngertemisa ashi.
Pa asüba mapang pai anünga yutsüba kinüngtsü den jabaso asem prongla pa anasa liasü.
Par jabaso tambusang Pranab Balabantaray ya BJD nungi tatar ka lir.
Osang kar ajanga ashiba agi, Kalpataru Das ya Delhi nunga teyaridak liasü aser US-ia temang reprangdangi oa liasü.
Pa tasümangji Deodar nü Odisha-i bener aotsü aser par yimdak bener oa aremtsü, ta osang ajangasa ashi.
Pa ya Bhotaka yimdak aso aser Dharmasala nungi assembly election nung pezüben tashi shilem agioso.
2012 nungi 2014 tashi pa ya Chief Minister Naveen Patnaik cabinet nunga panchayati raj & parliamentary affairs minister liasü.
2014 küm pa BJD nungi Rajya Sabha nung shimoka liasü.
Chief Minister Patnaik, state Congress Tir Prasad Harichandan, Opposition lenir Narasingh Mishra, aser state BJP Tir K.V. Singhdeo nungeri par kinünger tem den asüku lemsatepogo.