January 14, 2016:Yoga guru Ramdev-i tang Yerawada tepuokdak alisang, Bollywood actor Sanjay Dutt den ajurutepa liasü, ta ketdangsertemi ashi.
Ramdev ya pai teti sobuba sobutsü sobur Sanjay Dutt puoka aliba tepuokdak alirtem nem yoga training agütsütsü asoshi oa liasü.
Tepuokdak aliba moapu nung yoga sayuba mapanga temer külen, yoga guru aser Sanjay Dutt na mapang tatsüka otsü jembia amen dang Dutt-i pa tekaratiba nung tepuokdak nungi chioktsü asoshi sarasademjang ta mepishia liasü.
Tena ya kodanga memetettepi aliba nisung masü saka yaküm September ita nung Mumbai nung Ganeshotsav sentong akadanga ajurutepdanger liasü.
Bollywood nung Ramdev aser pa den anidakertemi alima teraksa aser yimsüsür tamajung anema küm talangka inyakba dak ajemdaker film ka yanglutsü asoshi olulu ka jembidar.
Dutt ya iba tepuokdak nungi February 25, 2016 nü chioktsü imlar.
You must be logged in to post a comment Login