Ranbir aser Katrina nati senteper ‘Jagga Jasoos’ film ajungkettsütsü

New Delhi, May 12 (Agencies): Ranbir Kapoor aser Katrina Kaif nati tongti shilem agiba film, ‘Jagga Jasoos’ kobi melii sayatsü, aser iba film ya tenapronglai ajungkettsütsü, ta osang angazüker.
Tamalen Ranbir o Katrina na meimtepa liasü, ajisüaka tena pilaba ajanga tena sabur aika melung raksadaktsü, iba sülena ‘Jagga Jasoos’ film talangka mesayaba ajanga tena sapurtem tezüdanga atatepdar, ajisüaka osang tajung kaji, tenati senteper iba film ajungkettsütsü.
Pinkvilla.com osang ajanga ashiba agi, tetsükdaktsü kar ajuruba sülen tang tesüsa iba film ajungkettsütsü aser iba nungji shilem agitsü atema actor anapronglai molungogo.
Katrina aser Ranbir nati yimti aika sema iba film ajungketja jajatsü, ta osang tejangja angazükogo.
Iba film ya taküm July 14 nü sayatsü.