Ranbir den pilaba sülen Katrina-i Salman Khan ajuru

January 18, 2016: Bollywood nung nüknürar ana- Ranbir Kapoor aser Katrina Kaif na küm ishika tedongtechi süa arur pilaba osang internet nung prokba ajanga tena sapur nisung million aika jashidar. Ajisüaka tenatibo tena pilaba osangji metetdakja mali.

TOI.com osang ka ajanga ashiba agi, Katrina aser Ranbir na pilaba osang prokba sülen lai miima taoba mapang tedong- Salman Khan ajuru.

Ranbir aser Katrina na pilaba sülen lai taoba mapang tedong Salman Khan ajuru ta olulu prokba angashia la kanga jashia lai Salman ajuruba kuliji agütsüogo.

TOI osang ajanga ashiba agi, Katrina indang otongdar kati, ‘Sultan’ film director Ali Abbas Zafar ji Katrina indang medemer tajung ka lir, aser la pa indang tasoba anogo party nung adentsü atema ao, kümshia lai Ali party nung adener.

Iba party nungji Kabir Khan aser Salman nungera liasü.