Ranbir Kapoor aser Katrina Kaif na aniasüngtepogo

July 17, 2015: Anogo ishika tejaklen Bollywood actor Shahid Kapoor aser Delhi tsür Mira Rajput na kibong kümogo aser tang olulu ajanga angashiba agi Bolloywood nung nüngtugu asangur Ranbir Kapoor kobi melii kibong akümtsü.
Aiür aika temulung raksatsüa akok, kechiyong Bollywood nung ‘Blue eyed-boy’ ta ajasang Ranbir o pa tetong Katrina Kaif na ani asüngtepogo.
DNA osang ajanga ashiba agi, July 16 nü tzüyimkümlen aliba jila, Alibaug nung Bollywood nung ‘Barbie Girl’ ta ajasang Katrina tasoba anogo amongdang Ranbir-i la nem platinum & diamond eternity band ka agüja la dang kibong akümtsü asoshi asüngdang.
Tenati tena tesentaktep indang kodanga osangbenertem dang odia mashir saka tena engagement agiba aser kibong akümtsü indang osangbo osangkakettem nung aiben adoker.