Ranbir o Farhan na anema okadak ken o benoker

Lucknow, September 22 (Agencies): Bollywood actor Ranbir Khan aser Farhan Akhtar na anema tangar ashioktsüba ken o ka okadak benokba osang jangjaogo.
Okatsür Rajat Bansal-i IPC sections 406 (forgery) aser 420 (Punishment for criminal breach of trust) ozüng dak ajemdaker Ranbir o Farhan na anema tan September 19 nü ken oji benok.
Kasa ozüng dak ajemdaker online portal, askmebazaar.com nung director-tem, Sanjiv Gupta, Anand Sonbhadra, Piyush Pankaj aser Kiran Kumar Sriniwas Murti nunger den külemi, marketing officer, Puja Goyal anema tangar ashioktsüba ken o benokba sülen police-i tang bushisüngdang tenzüka lir.
Nüburtem ashioktsüba online shishilembaba site tajungba jenjang kümdaktsütsü asoshi Farhan o Ranbir nati inyak ta shia, tena anema okadak ken o benokba osang jangjaogo.