Ranbir, Sonam nati Sanjay Dutt taküm otsü film nung shilem agitsü

Mumbai, November 26 (Agencies): Bollywood actor, Ranbir Kapoor aser Sonam Kapoor nati külemi 2007 küm Bollywood nung Sanjay Leela Bhansali indang Saawariya film nung shilem agia liasü, aser tenati maneni Rajkumar Hirani indang Sanjay Dutt taküm otsü film nung shilem agitsü.
Sawariya film kanga takok ngua liasü, ajisüaka iba film sülenbo Ranbir aser Sonam nati film nung kodanga külemi shilem magi. Küm 10 sülen tang tanati Rajkumar Hirani indang film nung longjemer külemi inyaktsü.
Hirani-i Munnabhai MBBS, Lage Raho Munnabhai aser PK film tem nung Sanjay Dutt den külemi inyaksema aruogo aser tang Sanjay indang taküm otsü film yanglutsü atema renemdar.
Iba film nung Ranbir Kapoor-i Sanjay Dutt shilem agitsü aser Sonam Kapoor-i 1990s mapang Bollywood actress aser Dutt tedong, Madhuri Dixit indang shilem agitsü.
Osang ajanga angazükba agi, Sanjay shilem agitsü atema Ranbir tereprangtsü kanga melenshitsü. Iba film ya 2017 nungi tangok tenzüktsü.
Ano Anushka Sharma-ia iba film nung osangbener ka shilem agitsü, aser ibaji lai Ranbir den film asembuba nung külemi shilem agir asutsü. Tamalen lai Ranbir den Bombay Velvet aser Ae Dil Hai Mushkil film na nung shilem agia lir.