Ranchi nung 22 buba Asian Athletics Championships asayatsü

New Delhi, October 26 (Agencies): India kübok Jharkhand yimtiba, Ranchi nung 22 buba Asian Athletics Championship 2017 küm asayatsü renemogo.
Küm 4 nung ken asayaba asayamong Ranchi nung asayatsü telemtetbaji tang Philippines kübok Manila nung temendak 83 buba Asian Athletics Association Council (AAAC) senden nung shilem agirtemi lemtetba osang jangjaogo.
1989 küm New Delhi nung aser 2013 küm Pune nung asayaba densema Asian Championships asayamong ya India nung anaben tashi ayonga asayaogo.
Ajisüaka, Doha nung sangküm, 2016 küm amentsü ayongba AAAC senden nung ang iba asayamong asayatsü anogobo latettsü renema lir.