Range Rover indang gari tasenba ‘Velar’ sayuogo

March 02, 2017 : Jaguar Land Rover ajanga Range Rover indang gari pezübuba sayaogo aser iba gari tasenba ya ‘Velar’ lir.
Velar nung ya technology aser design ajunga tasen lir. Velar telung nung ‘Touch Pro Duo’ indang HD touchscreen tasenba ana inoka lir.
Iba gari telung nung amenertem kümzüktsü asoshi ‘air bag’ trok inoka lir aser iba gari anir nem teyari agütsütsü asoshi ‘Autonomous Emergency Braking’ inoka lir aser iba ajanga lenmang nung tetsüng agi senzür metetdaktsür. Iba kisüng masü saka ‘Adaptive Cruise Control’ aser ‘Adaptive Speed Limiter’ keta aliba ajanga lendong aika nungi kümzüktsü akoker.
Velar ya tetsüng ajungai kasa tashi agütsür, kinük pezü-sü nung ‘air suspension’ inoka lir aser ali nungi mm 251 ajungketa lir. Iba gari nung ‘Terrain Response 2’ aser ‘All Terrain Progress Control’ keta lir.
Velar nung ya ZF indang ‘automatic transmission’ ti tashi keta lir aser ‘Intelligent Driveline Dynamics’ lir.
180PS aser 240PS tabu nung ‘four-cylinder Ingenium’ diesel indang nung angutsü aser iba ajanga torque tashi ya 500Nm agütsür.
250 indang tabu nung ‘four-cylinder Ingenium’ petrol indang nung angutsü aser second 6.7 nung kilometre 0-100 tashi kara otettsü.
V6 diesel engine aketba Velar gari ya kilometre ka jajaba ajanga CO2 gram ka tang agütsür aser second 5.7 nung 100km/h tashi kara oteter. Iba gari indang ‘top speed’ ya 250km/h lir.
UK aser Europe nung iba gari ya 2017 tiyong nungi angutsü aser India nung taruba küm nungi angutsü imlar.