Rani Mukerji ano anogo ishika mozükidang amungtsü

November 20, 2015: Bollywood actress Rani Mukerji aser la kinungbu aser film yanglur Aditya Chopra na mezüng tanur asotsü imladar, aser Rani temang tajungba lir, ajisüaka la ano maneni anogo ishika mozükidang amungtsü akok.

Diwali benjung sülen arishi küm 37 Rani suburban hospital ka nung amungtsü tenzük, aser maneni la anogo ishika amungtsü lai lemtetogo.

Tamalen osang ka ajanga ashiba agi, la temang nung timtem tilaka aliba ajanga mozükidangi anir oa liasü.

Rani tang suburban Khar nung aliba Hinduja hospital nung mungdar.

“La hospital nung lir aser lar kidang mapa teinyaktak asübayong maneni la anogo ishika mozükidang amungtsü… Anungji la hospital nung amungtsü anogo atsülangogo,” ta osang ka ajanga ashi.

“La junga lir. La hospital nung anisüngzükdar,” ta kasa osang ajangasa ashi.

Rani aser Yash Raj Films tongti, Aditya Chopra na Italy nung kibong küma liasü aser 2016 January ita nung mezüng chir asotsü yongyaa atadar.