Ranieri FIFA 2016 Best Coach tarensen nung temaba lir

Zurich, November 02 (Agencies): FIFA-i tanü, Bodbar nü adoktsüba 2016 tebur Best Coach sempet atema shimer coach tarensen nung English Premier League (EPL) champions, Leicester City coach, Claudio Ranieri temaba jenjang nung aliba osang angazükogo.
Ranieri lenisüba kübok par Leicester teloki mamangtettsüsa 2015-16 EPL asayamong takok marok agizüka liasü.
Ranieri-i aniba tenüng tarensen nung Wales coach, Chris Coleman aser Real Madrid coach, Zinedine Zidane na densemba osang jangjaogo.
1958 World Cup sülen mezüngsüa tongti football asayamong nung shilem agir Coleman-i aniba Wales teloki 2016 Euro semifinal asayatsü jenjang angu aser Zidane lenisüba kübok par Real teloki Champions League takok marok 11 ben buba agizüka laisü.