Ranji & Cooch Behar asayamung osang

Dimapur, Aenjeti/January 12 (TYO): Nagaland Cricket Stadium, Sovima nung tang Nagaland aser Arunachal na tsüngda Ranji trophy asayadaki.
Nagaland team-i mezüng bat asütsü asoshi shim. Mezüngbuba inning nung Nagaland-i over 140.2 nung asayar 7 out ser run 534 yanglur aliba mapang declare asü.
Parnok rongnungi SS Mundhe-i run 166, Takawale-i 117, Hokaito-i 76, Sedezhalie-i 53 aser Jonathan-i run 49 yanglu.
Arunachal team asoshi Techi Neri-i wicket 3 agia liasü.
Arunachal Pradesh team-i mezüngbuba inning nung over 37buba nung asayar 4 out ser run 141 yanglua lir. Parnok rongnungi Rahul-i run 64 aser Doria-i run 27 yanglu.
Nagaland team bowler tem rongnungi SS Mundhe-i wicket 3 aser Imliwati-i wicket 1 agi.
Anogo anabuba tembangba sülen Arunachal team run 393 agi tajemba lir.
Kasa mapang nung Cooch Behar Trophy asayamung nung Nagaland aser Meghalaya na asaya Meghalaya-i wicket 9 agi kokogo.
Iba asaya ya Assam Valley School ground, Tezpur nung asayaa liasü.
Mezüng bat asütsü shimba sülen Nagaland team-i mezüngbuba inning nung over 58.5buba nung asayar ajak out ser run 171 yanglu.
Parnok rongnungi Hem-i run 50 aser Afzal-i run 30 yanglu. Meghalaya asoshi Aryan-i wicket 4, Bipin-i 3 aser Abhishek-i wicket 2 agi.
Mezüngbuba issing nung Meghalaya team-i over 64buba nung asayar ajak out ser run 198 yanglu. Batsmen tem rongnungi Divyansh-i run 47, Aryan-i 33 aser Hrithik-i run 31 yanglu.
Nagaland team bowler tem rongnungi Arjun-i wicket 6 agi aser Vipul o Hem nati wicket kaka agi.
Tanabuba inning nung Nagaland team-i over 21.1 buba nung asayar ajak out ser run 48 dang yanglutet. Parnok rongnungi Shamphri-i run 19 aser Afzal-i run 8 yanglu.
Meghalaya asoshi Aaron-i wicket 6 aser Aryan-i wicket 4 agi.
Meghalaya team batting amenba mapang parnoki over 3.1 nung asayar 1 out ser run 25 yanglua parnoki asaya akok. Parnok rongnungi Chirang-i wicket 23 yanglu. Nagaland team asoshi Odilemba-i wicket 1 agi.