Ranveer o Deepika nati Amritsar aser Patiala na nung radio station semzüktsü

Amritsar, December 12, 2015: Bollywood actor Ranveer Singh aser actress Deepika Padukone na tang tenati shilem agiba film tasenba “Bajirao Mastani” ajungketa yimti aika sema jajaba mapang ka lir. Iba mapang tenati Amritsar aser Patiala na nung Radio Mirchi semzüktsü.
Radio Mirchi ya tang lapoka aliba Radio Station tem dang nungi inyakyim balaka lir aser Punjab nunger ken sapurtem asoshi iba station Hokolbarnü semzük.
Iba station, FM 104.8 ajanga ken yoktsü ajisüaka ken den külemi tongtibang sangdong aser sentong tasen ajungketba osangtema tena iba frequency ajanga yoktsü.
“Mirchi 104.8 FM ya nüburtemi aginüa asüngdangba ajanga lapoker aser iba frequency ajanga Punjab nunger libaliro dak sentakba ken den Punjab music yoktsü,” ta Entertainment Network India Limited nung CEO aser executive director, Prashant Panday-i sangdong ka ajanga metetdaktsü.
Item station tem ya ‘Royal Stag Mirchi Music Awards’ sentong akatsü mapang lapoker. Iba award nung film 12 den telok balala aikati shilem agidar.