Ranveer Singh aser Deepika Padukone na tsüngsangtep

March 27, 2016 : Bollywood nung Ranveer Singh aser Deepika Padukone na medemba ya ajaki kanga sapur. Tenati tena tsüngda tesentaktep balaka lir ta shiogo.
Tang mapang ya Deepika Canada nung Hollywood film ‘xXx’ tetangokdak lir aser lar medemtsür ka kibong akümba benjung nung adentsü atema tang Sri Lanka nung oa lir. Iba benjung nung adentsü asoshi la kija masü saka la den Ranveer dena ao. Tenati noksa tangoker dena kanga nema tanga nokdaker noksa tangokba dang masü saka tsüngsangtepa kazüba mapa nunga tenati kanga junga shilem agi.
Iba mapang tenati pei-i shilem agiba film indang kenten nung tsüngsanga liasü.
Tenati mezüng Deepika-i shilem agiba ‘Yeh Jawaani Hai Deewani’ film nung aliba ‘Balam pichkari’ ken nung tesüngsang aser iba sülen Ranveer-i shilem agiba film ‘Dil Dhadakne Do’ film nung aliba ‘Gallan goodiyan’ ken nung tsüngsanga liasü.