Ranveer Singh Befikre film tangoktsü Paris-i apusor

February 23, 2016 : Minute ishika tejakdang Ranveer Singh-i twitter aser instagram na ajanga selfie ka lemsatepogo. Iba noksa nung pai ‘Reigning champ’ ta zülua aliba tula ka sema lir. Iba noksa den külemi pa tang Paris-i apusor ta lemsatepa liasü.

Ranveer aser Shudh Desi Romance girl, Vaani Kapoor na ya YRF indang film tasenba Befikre nung külemi shilem agitsüba lir.

Angashiba agi film yanglusang aser Vaani nabo tang Paris nung lir aser Ranveer-a parnok den gondha ishika tsüngda ajuruteptsü.

Iba film indang mezüng shilemji ita pezü tashi Paris kija nung tangoktsü aser iba sülen tanabuba shilem tenzüka tangoktsü.

Befikre film ya taküm December 9 nü sayatsü sendong lir.