Ranveer Singh-i ‘Bigg Boss’ nung shilem agi

Mumbai, December 4 (Agencies): India nung nüngtugu TV reality show “Bigg Boss Nau” nung actor Ranveer Singh-i pa indang film tasenba “Bajirao Mastani” ajungkettsütsü.

Pa den külemi shilem agila aser tetong ta nisungtemi jembiba, Deepika Padukone-i Colors sentong ka nung la indang “Tamasha” film ajungketa liasü, aser Ranveer-i la medeni “Bigg Boss” nung shilem agitsü.

Iba sentong nung Ranveer-i Bigg Boss nung pa indang partner ka bushitsü aser iba atema shilem agir tetsür dang Ranveer-i tasüngdangba ka ka asüngdangtsü.

Ranveer-i shilem agiba “Bigg Boss Nau” sentongji Deobarnü sayutsü.

“Bajirao Mastani” film ya Sanjay Leela Bhansali-i direct asü aser Priyanka Chopra-ia shilem agir. Iba film ya December 18, 2015 nü sayatsü sentong lir.