Ranveer Singh-i shilem junga agitettsü: Shatrughan Sinha

Shatrughan Sinha-Ranveer SinghFebruary 21, 2016 : Actor aser politician Shatrughan Sinha-i tawa pa taküm otsü kaket ka sayaogo aser pai ashiba agi, ‘Bajirao Mastani’ nung tongti shilem agisang Ranveer Singh nem pa taküm otsü indang film nung shilem agidaktsünür.
Megastar Amitabh Bachchan-i February 19, 2016 nü ‘Anything But Khamosh: The Shatrughan Sinha Biography’ kaket sayatsü.
Iba kaket sayanü Sinha-i, “Iba kaket nung aliba otsü ya junger asütsü ta bilemer kechiba süra iba otsü yagi nüburtem kanga ajungmesotsü. Yangi nüknarar otsü, pelatepba otsü aser ano otsü tapu aika lir. Iba yagi Hindi film yanglu nungbo Ranveer Singh-i kanga junga shilem agitettsü mesüra ozü jabaso ana, Luv aser Kush nati shilem agi nung ajungtsü. Tena yak kü den kanga mesüktepa lir. Nia iba nungji shilem kar aginer,” ta IANS dang shi.
Iba kaket nung tapak 338 lir aser otsü ya ajaki meteta aliba ocet zülur, critic aser kaket zülur Bharathi S Pradhan-i züluba lir. Iba kaket zülutsü asoshi küm tenet kanga junga asadanga bushidangogo, interview 37 ben agiogo aser Sinha’er kibong den ghonda 200 tashi otsü jembiba menüngokba sülen iba taküm otsü kaket ya zülu.
Bharathi S Pradhan-i, “Iba kaket ya zünger manennütsü. Khen azüngtsü tenzükra maneni züngnüa kümdaktsür. Iba kaket ya azüngtsü tenzükra tapak ana mesüra asem dang züngerbo manener ta ozü medemer aikati shiogo,” ta ashi.

You must be logged in to post a comment Login