London, July 08 (Agencies): Canada nunger Milos Raonic-i Switzerland nunger Roger Federer 1 buba semifinal asaya nung tsükdaktsüba sülen tang tasaydak 2016 Wimbledon tebur singles final asayatsü jenjang tanü, Hokolbar nü ajangzükogo.
Tan asayamong nung 6 buba jenjang abener, Raonic-i tanü points 6-3, 6-7 (3/7), 4-6, 7-5, 6-3 agi taoba mapang Wimbledon takok marok 7 tashi agizüker, Federer tsükdaktsü.
Tan final asayatsü jenjang anguba ya Raonic-i tan mezüngsüa grand slam asayamong final asayatsü jenjang ajangzüker lir.
Ano, Raonic-i tan final asayatsü jenjang anguba sülen pa grand slam final nung shilem agitsü jenjang angur mezüngbuba Canada nunger kümogo.
Arishi küm 25 tain Raonic-i 2 buba semifinal asaya nung takok angur, Britain nunger Andy Murray mesüra Czech Republic nunger Tomas Berdych den tan Deobar nü final asayatsü.
Ano külen, America tsür, Serena Williams aser teyi, Venus nati points 7-6 (3), 6-4 agi Germany tsür, Julia Goerges aser Czech Republic tsür, Karolina Pliskova na semifinal asaya nung tsükdaktsüba sülen tetsür doubles final asayatsü jenjang tanü ajangzükba osanga jangjaogo.
You must be logged in to post a comment Login