Rap kentener Phife Dawg arishi küm 45 nung süogo

Los Angeles, March 24, 2016 : ‘A Tribe Called Quest’ Rap kentener telok nung züngsem, Phife Dawg süogo. Pa arishi küm 45 liasü.

Pa Mongulbarnü pa aliba jila, San Francisco Bay Area nung asü, ta par kinungertemi sangdong ka nung ashiba aceshowbiz.com-i metetdaktsü.

Dawg asüba osang tejangja ya par kinunger aser manager Dion Liverpool-i metetdaktsü.

“Pai saisapong aser music kanga meima liasü ajisüaka pai Tsüngrem aser par kibong temeimba liasü,” ta kinungertemi ashi.

Dawg dak 1990 küm Type 1 diabetes putet aser 2008 küma tezüngjang ka melen, ajisüaka pa diabetes agi asü.

Pa ‘A Tribe Called Quest’ telok nung 1980s nungi züngsem aküm, ajisüaka 1998 küm khen paksa. Iba sülen ano parnok aiben lungjem aser tesüsa 2015 küm lungjem.

“Onok temulungjang taret kümogo. Onok kechi anga mesayanger. Pa dak tashidak aliba meteta liaka iba tensa yamai kara ajurutsü khenyongi bilema maliasü,” ta par telokia sangdong ka ajanga metetdaktsü.