Rarapangsenba Tanela Anendakjang

“Saka Kibuba tenzüker jagi merarateptsüla, saka ajak tsüngdang ajemalu, tesayutsü tesangra, aser tazüzükba nisung asütsüla. ” (Ü Tim. 2:24)
Rarabangsenba nung tajangzük mali. Iba jagi asen mulung menentsür aser kati ka tsüngda tesempatep adokdaktsür. Khen mapang ka adianu kati kü mapa ka titema yutsü. Aiben mepishiaka pai kü mapa nungji temulung magütsü. Rarabangsena aser O tulu shia rarateptsü koka liasü saka Laishiba jagi tazüzükba taküm asütsü ashiba bilemteta tesüngjem agi pa metongshitsütsü dang merang. Iba jagi tenzüker ka küli menentsütsü ana nung liasü, saka Tsüngrem o jagi kümzük.
Tenyar Pauli Timothy ajungshidang ashibaji rarabangsen madoktsü merangang ta ajungshi. Kechiaser Pauli Yihuda nunger puti-unger aser ozüng amer pangsentepba, rarapangsen, aser rongrong adokba pai ngua liasü. Aser iba jagi tajangzük kecha bena marutetba ngua liasü. Anungji Pauli ajungshibaji taremzükba aser azüzükbai dang tangatetba kati bener arutsür. Ne dak rarapangsenba tanela lira nai O ishiba jembitsü merangang, aser tangari jembiba nungji na timi shisadanga langzütsü merangang. Ibajagi na dang tali ajungkettsü.
Sarasadem : Temeim, Oba ni rarapangsenba taküm ka masü, saka azüzükba taküm ka asütsü nai ni yariangma. Amen.