Rathore-i Shotgun gold agizük

Helsinki, May 30 (Agencies): India’er Information & Broadcasting Minister, Rajyavardhan Rathore’er jabaso, Manavaditya Rathore-i 8 buba International Junior Shotgun Cup Trap tetoktepba gold medal yashi, Deobar nü agizükogo.
Külem sensopur, Lakshaya aser Kismat Chopra na den lungjemer Team silver anogo ka tejaklen agizüksang, Manavaditya-i Trap tetoktepba gold-ji yashi asayamong tatembangba anogo nung agizük.
Tan asayamong nung India teloki gold 3, silver 2 aser bronze 4 densema, ajak agi medal 9 tashi agizüker lir.
Rajyavardhan-ia Greece kübok Athens nung ayongba 2004 Summer Olympics nung India asoshi Tebur Double Trap tetoktepba silver ka agizüka liasü.