Rathore khasetertem amshiba gari ka angu

Diphu, June 25 (Agencies): Hombar nikongtsütsü Assam nung Karbi Anglong kübok Hatoka Mensing Tisso yimtsüng nung Alto gari ka angu.
Iba gari nung registration number plate mali aser idakji glove ka aser injang ana ngutetogo.
Deobar aonung Assam-Nagaland arrtsü anasa shishilembar Moolsingh Rathore khasetertem iba gari amshi südi ta temolung melemi bilemer.
Asür Rathore’er kidanga glove ka nguteta lir.
Police-i iba gari anguba sülen bushisüngdang tenzükogo aser kibur metettsü meranger.
Mejangjatetba nisung kari Rathore dak injang aika khaloktsü aser pa mozü ki tonga anir ao saka idakji asü.
Nisung 6-7 ka Rathore’er kidangi ao aser pa kinungtsü, jabaso den kinungtsü nungertem prangpong agi tuita yur auyatsü merang. Nisungtemji Army sübotsütem agir liasü.