Raul Castro-i Mexico semdangtsü maparen tenzüker

Merinda, November 07 (Agencies): Cuba Tir, Raul Castro-i Mexico semdanga Mexico Tir, Enriqu Pena Nieto den yashi, Hokolbar nü senden amenba osang janjaogo.
Castro-i tan Mexico semdangdang par linük ana tsüngda testsükdakba kecha melii rongsenren tesendaktep tajung ayutsü asoshi tenzüngzüktep agiogo.
Nieto-ia par Mexico anüdoklen tentetba Merida yimti kübok Yucatan state government ki kimalen Castro nem aküm tulu agüja pa yashi pelashishia agizüka laisü.
Tesülen, Castro o Nieto nati Yucatan state government kilung nung senden amen aser kaketshisatsü bushitsüren, raliwalitsüren, shishilembatsüren aser Cuba nüburtemi Mexico nung jenoka aliba den sentakba tezüngzüktep ishika agiba osang jangjaogo.
Mexico lenisang, Nieto-i 2012 küm December ita nungi tenzka Mexico Tir menden benokba sülen Cuba linük den tesendaktep tajung ayutsü nükjidong nung nungdakba maparen inyakba osang bushitogo.
Ano külen, Castro-i teti Fidel Castro melenzüka, 2006 küm nungi tenzüka Cuba Tir menden benokba sülen pai tan mezüngsüa Mexico semdanger lir.
Castro-i Cuba Tir menden benokba jakdangbo, 2000 küm nungi tenzüka 2012 küm tashi par Cuba aser Mexico sorkar na tsüngda tesendaktep mejungi aliba osang bushiteta lir.