Mumbai, February 22, 2016 : Aruya aliba tsüngsangba reality show “Shine of India” sentong nung actress Raveena Tandon tetendanger asütsü aser iba mapang episode ka nung la nem sen crore 1.25 agütsütsü. Ibaji ajanga TV sentong nung Bollywood actress shilem agir rongnung la sen timba aa’er kümogo.
Taoba mapangtem nunga “Sahib Biwi Gulam”, “Chhote Miyan”, “Comedy Ka Maha Muqabala” aser “Simply Baatien With Raveena” sentong tem nung Raveena nguogo aser la ya tan iba tsüngsangtepba sentong nung actor Govinda aser mongin choreographer Saroj Khan nunger den külemi tetendanger asütsü.
La den kanga junga sentaktepa alir kati ashiba agi, la iba sentong ayonger ket nungi sen aika angutsü.
“Bollywood actors temi TV sentong nung shilem agiba ya joko otsü tejen kümogo. Parnok nem sen aika agütsübaji tim dang lir kechiba süra parnok item sentongtem nung adenba ajanga entertainment tsütsü tali ajungmesoba dang masü saka sentong nung akhüma ketdaktsür. Item ajakji asadanger Raveena nem episode ka nung sen crore 1.25 agütsür asütsü akok aser iba ya ajanga Bollywood actress TV sentong nung shilem agir rongnung sen timba aa’erji Raveena akümer,” ta osang ajanga ashi.
Osang ajangasa ashiba agi, reality show tanga nung adoker actress Shilpa Shetty aser Madhuri Dixit na nembo episode shia sen crore ka ka dang agütsür.
‘Shine of India’ sentong ya Channel V nung yoktsü aser iba sentong ya actress Farnaz Shetty-i ketdang asütsü.
Iba sentong atema video tem taruba ita nungi tangoktsü.
You must be logged in to post a comment Login