Ravichandran Ashwin-i Arjuna Award angu

New Delhi, July 31 (Agencies): New Delhi nung Brihostibar nü Sports Minister Sarbananda Sonowal-i India cricket team nung off-spinner Ravichandran Ashwin nem Arjuna Award agutsüogo.
Tanü asüng tensa nung India cricket team nungi spinner tajungtiba rongnung Ashwim ya ka lir. MS Dhoni-i asaya tasak mapang teti pa nem ball ondaktsür aser nungloktsüba ama pai junga onteter.
Arishi küm 28 tain, Ashwin-i test asaya 25 nung wicket 124, ODI 99 asayaba nung wicket 139 aser T20 international 25 asayaba nung wicket 26 agiogo.
Iba akümket senpet ngur külen Ashwin-i pa pelaba temaitsü Twitter nung noksa ka enoktsüogo aser BCCI-ia pa tenüng asangba lemsatepogo.