RAW-i PM Sharif tepsettsü meranger: Pakistan

Islamabad, October 18 (Agencies): Indian intelligence agency RAW-i Pakistan Ato kilonser Nawaz Sharif tepsettsü meranger ta metetba sülen Pakistan-i Ato kilonser security tali akangshiogo, ta Deobar nü Pakistan osangkaket ka ajanga ashi.
Research and Analysis Wing (RAW)-i Sharif tepsettsü amokmerena aliba osang nung ajemdaker Punjab Province Home Department-i security institution tem dang arr sangoktsüogo, ta The News International ajanga ashi.
Home department indang sangdong ka nung ajemdaker osangkaket ajanga, “Sharif tepsettsü atema RAW-i sentong atongogo, iba den külemi Pakistan nung tongtibang nisungtem dak-a RAW-i tenük yokdar,” ta ashi.
“Tang amokmeren ajurua aliba nung ajemdaker iba sangdong ajanga, Ato kilonser aser tangartem nem security takang agütsütsü atema ozüng benokba department ajak dang nüngdakba mera ajak agitsü tetuyuba sashia agütsüogo,” ta osang ajanga ashi.
Geo News den jembidang Sharif indang Special Assistant, Musadik Malik-i, “Ozü Ato kilonser kümzüka ayutsüji onoki meteta lir,” ta ashi.