Razer indang ‘BlackWidow’ gaming keyboard sayaogo

Metsüremi 31, 2018 (Agencies): Computer games jangrapangrar nem tajangzük agütsütsü nükjidong nung, Kaira Global puri ‘Razer BlackWidow Ultimate’ ta nüngja agütsüba gaming keyboard ka sayaogo. Iba keyboard ya tzü aser auyi nungi kümzüktsüsa (Ingress Protection) IP54 rating inokja yanglutsüogo.
BlackWidow keyboard nung Razer indang Green mechanical switches inokja yangluogo aser item switch shia nung 50g indang ‘actuation force’ inokja lir. Company-i ashiba agi iba keyboard nung keystroke lifespan ji million 80 tashi nemshitettsüsa yanglutsüogo. Tamshirtemi iba keyboard nung ‘backlit keys aser lighting effects balala melena benshitettsü atema ‘Razer Synapse den cloud-based driver software inokja yanglutsüogo. Iba gaming keyboard yagi 10 key roll-over anti-ghosting aser gaming mode bendenlokba option tem support asütsü. Iba keyboard-isa 1000 Hz frequency Ultrapolling support asütsü (Razer-i yangluba technology, ibaji ajanga keyboard indang ‘actuation information’ koba computer meyipa yokba frequency ji tudaktsür).
Maneni, Razer BlackWidow Ultimate keyboard tozük gram 378 lir aser Kaira Global store tem nung küm 2 warranty densema sen 9,999 agi angutsü.