RBI counter nung sen 500, 1000 notes melentettsü

New Delhi, November 25 (Agencies): Sen 500 aser 1,000 notes tejenba melentsü atema bank tem nung nokdangaka RBI counters nungbo item sen maneni melentettsü, ta RBI-i metetdaktsü.
Brihostibarnü sorkari sangdong ka ajanga, sen 500 aser 1,000 notes tejenba bank counters nung memelentettsü, saka item senji bank accounts nung inoktsütsü akok, ta metetdakja liasü.
“Reserve Bank of India (RBI)-i züngsemtem dang sen 500 aser 1,000 notes maneni Reserve Bank counters nung melentsü metetdaktsür,” ta Central bank-i sangdong ka nung tetuyuba agütsü.
RBI-isa, item senji tanga banks counters nungbo melentsü makok, ta shisem.