RBI-i sen 10 notes tasen adoktsü

Mumbai, March 09 (Agencies): Brihostibarnü Reserve Bank of India (RBI)-i, mapang tatsüka tsüngda sen 10 notes tasen adoktsü, ajisüaka sen tejenbaa amshitettsü, ta metetdaktsü.
RBI sangdong ka ajanga, “Mapang tatsüka tsüngda Reserve Bank of India-i Mahatma Gandhi Series-2005 nung sen 10 denomination banknotes tasen adoktsü, aser number panel anaprong nung ojang ‘L’ alitsü, iba den külemi RBI Governor, Urjit R. Patel indang signature aser sen menüngba küm ‘2017’ ajenloka alitsü,” ta metetdaktsü.
“Tesüiba mapang nung bank (RBI)-i adokba sen 10 denomination banknotes-a maneni tagila asutsü,” ta sangdong nungsa shia lir.