RBI-i sen 10 senjang ‘International Yoga Day ‘ nüngtem nung yanglutsü

Alima ajungai ‘International Yoga Day’ taküm 2015 küm June ita 21 nü mongogo aser iba sentong ya kümshi ayonga amongtsü ali nung iba anogomong nüngtem nung Reserve Bank of India (RBI)-i sen 10 senjang (Coin) kobi meli yanglutsü ta taoba July ita tatemlen metetdatksüogo.
Sen 10 senjang tasenba nung itemi alitsü :
Senjang tejaklen Lion Capital Ashoka Pillar tiyongtsü nung aser tsünglanglen ‘Satyameva Jayate’ ta ojang zülua alitsü.
Senjangji meketa, abelen ‘BHARAT’ ta Devnagri zülu agi aser achijilen ‘INDIA’ ta English agi zülutsü.
‘International Day of Yoga’ maitsü den ‘Samanjasya evam Shanti ke Liye Yog’ Devangri zülu agi senjang abelen zülutsü.
Yoga maitsü lungbanga ‘YOGA FOR HARMONY AND PEACE’ zülutsü aser maitsü kübok ’21 JUNE’ ajenoktsü.
Ano, abelen ‘Antarrashtriya Yog Divas’ ta Devnagri zülu agi meketa zülutsü aser achijilenjia ‘INTERNATIONAL DAY OF YOGA’ ta English agi zülutsü.