RBI-i sen 50, 20 notes tasen adoktsü

New Delhi, December 04 (Agencies): Deobarnü Reserve Bank of India (RBI)-i, parnoki sen 50 aser sen 20 notes tasen adoka agütsütsü, ajisüaka item notes tejena maneni amshitettsü, ta metetdaktsü.
Sen 50 notes tasenba nungji number panels nung inset ojangtem malitsü aser sen 20 note tasenba nungji number panels anaprong nung inset ojang ‘L’ alitsü, ta RBI-isa ashi.
Sen 50, 20 notes naprong nung RBI Governor, Urjit Patel indang signature den sen menüngba küm- 2016 alitsü aser ibaji tip anatsülen alitsü.
November 8-9 nü sorkari sen 500 aser 1,000 notes anentsüba sülen ita ka majungdang tang RBI-i iba sangdong agütsür. Centre-i sen tamshidak anentsüba sülen sen 500 aser 2,000 notes tasen adokogo.