RBI-i senpak 100 tasen sayatsü

Mumbai, Dec. 6 (Agencies) : Reserve Bank of India (RBI)-i kobi melii senpak 100 tasen sayatsü aser iba sen anatsülen temelenshi kar lir, ta Mongulbarnü RBI sangdong ka nung metetdaktsü.
“Mahatma Gandhi Series-2005 nung Reserve Bank of India-i senpak 100 sayatsü. Sen tasenba nung numbering panels nung inset letter malitsü aser Reserve Bank of India governor Urjit R Patel indang sign alitsü” ta RBI sangdong nung shia lir.
Senpak 100 tasenba indang tereprangtsüji Mahatma Gandhi Series-2005 den mesüktepa lir. Ajisüaka, senpak 100 tejenbajia maneni amshitsü, ta parnokisa metetdaktsü.