RBI mapa inyakertemi lungkak aittsü thinener

Kolkata, Rongjui (September) 3 (Agencies): United Forum of Reserve Bank Officers and Employees (UFRBOE)-i September 4 aser 5 anogotem mass casual leave agitsü atema ayonga liasü saka bank ketdangsertem den jembiba sülen iba sentong thinener, ta UFRBOE-i metetdaktsü.
“Reserve Bank of India (RBI)-i union tem den ajurutepa senden balala amenba sülen forum-i September 4 aser 5 anogotem mass causual leave agitsü lemtetbaji January, 2019 mezüng hopta nung agitsü thinener. Bank-i parnok nem mapa agüjang ta ashiiba atema iba sentong thinener” ta UFRBOE sangdong ka nung metetdaktsü.
Iba mass casual leave ajanga linük nung central bank aser tanga tongtipang bank aika nung timtem bentsür arutsüba liasü.