RCB Coach asütsü Ashish Nehra shim

Bengaluru, Rongjui/September 5 (Agencies): Royal Challengers Bangalore (RCB) Bowling Coach Ashish Nehra Coach ama shimogo.
Pa Gary Kirsten den külemi coach ama shilem agitsü. Ashish Nehra taoba season RCB nung dena liasü.
“Ni taoba season RCB coaching team nung adentsü asoshi maongka nguogo aser ni iba team kanga sakloker. Team management-i kü nem lenir asütsü asoshi jenjang ka agütsüba atema kanga pelar aser taruba season takok nung tembangtsü yongya atar,” ta pai ashi.
Nehra cricket format ajak nung asayaogo aser pa Cricket World Cup ana, Asia Cups ana aser ICC Champions Trophy tournaments asem tashi nung India team nungi asayaogo.
Pa IPL nung Delhi Daredevils, Mumbai Indians, Pune Warriors, CSK aser Sunrisers Hyderabad nungi asayaogo.
RCB mendenbuba Sanjeev Churiwala-i, Nehra aser Kirsten na Kohli den longjemer team tajungba asayatsü asoshi teyari agütsütsü, ta ashi.
“Ashish Nehra RCB nung coach ka ama adenba atema onok kanga pelar,” ta pai ashi.